चालक निदाउँदा स्याउ बोकेको टेलर दुर्घटना, दुई घाइते

मकवानपुरको हेटौँडा उपमहानगरपालिका–१५, नयाँबस्तीस्थित सयफुटमा सोमबार बिहान स्याउ बोकेको टेलर दुर्घटना हुँदा चालक र सहचालक घाइते भएका छन् ।

वीरगञ्जबाट स्याउ लोड गरी काठमाडौँतर्फ जाँदै गरेको मधेश प्रदेश ०३–००१ ख ९०६८ नम्बरको टेलर चालक निदाएका कारण अनियन्त्रित भई सडकबाट करिब १० फिट तल खोलाको बगरमा पल्टिएको जिल्ला प्रहरी कार्यालय मकवानपुरले जनाएको छ ।