आज सेयर कारोबार नहुने

काठमाडौं । नेपाल स्टक एक्सचेन्ज (नेप्से) को सोमबार हुने नियमित शेयर कारोबार स्थगित भएको छ । ब्रोकर कम्पनीहरूको सर्भर राखिएको डाटा सेन्टर डाटा हब प्रालिमा प्राविधिक समस्या आएका कारण कारोबार सञ्चालन हुन नसकेको हो ।

नेप्सेका अनुसार असोज ४ गते बिहानैदेखि डाटा हबको सर्भरमा प्राविधिक समस्या उत्पन्न भएको थियो । समस्या समाधानका लागि निरन्तर पहल भइरहे पनि सोमबारसम्म पूर्ण रूपमा समाधान हुन सकेको छैन ।