एक महिनामै २ खर्ब १५ अर्ब बढी रेमिट्यान्स भित्रियो

चालु आर्थिक वर्ष २०८३/८४ को पहिलो महिना साउनमा मात्रै २ खर्ब १५ अर्ब ५ करोड रुपैयाँ रेमिट्यान्स भित्रिएको छ। गत साउनको तुलनामा रेमिट्यान्स आप्रवाह २९.९ प्रतिशतले वृद्धि भएको नेपाल राष्ट्र बैंकले जनाएको छ। राष्ट्र बैंकले सार्वजनिक गरेको ‘देशको वर्तमान आर्थिक तथा वित्तीय स्थिति’ विवरणअनुसार साउनमा मात्रै सवा २ खर्ब रुपैयाँ रेमिट्यान्स भित्रिएको हो।

गत आर्थिक वर्षको सोही महिनामा जम्मा १ खर्ब ७७ अर्ब ४१ करोड रुपैयाँ रेमिट्यान्स भित्रिएको थियो। गत साउनमा अमेरिकी डलरमा विप्रेषण आप्रवाह १०.२ प्रतिशतले वृद्धि भएको हो। अमेरिकी डलरमा विप्रेषण आप्रवाह १ अर्ब ४० करोड पुगेको राष्ट्र बैंकको सो तथ्यांकमा उल्लेख छ।