प्रधानमन्त्री बालेनको प्रतिबद्धताः संविधानको अक्षर र भावना दुवैप्रति सरकार पूर्ण प्रतिबद्ध छ

काठमाडौँ । प्रधानमन्त्री वालेन्द्र साह बालेनले संविधानको अक्षर र भावना दुवैप्रति सरकार पूर्ण प्रतिबद्ध रहेको बताएका छन् । संविधान दिवसका अवसरमा संविधान दिवस मूल समारोहमा समितिले आज सैनिक मञ्च टुँडिखेलमा आयोजना गरेको कार्यक्रममा उनले 'शहीदका रगतले लेखिएको संविधान, हामी कामले पूरा गर्छौं' भने ।

प्रधानमन्त्रीले भने, “संविधानप्रतिको निष्ठा र यसको पालनामा हामी पूर्ण प्रतिबद्ध छौँ, म यो बाचा आज फेरि दोहोर्याउँछु । संविधान जारी भएको दिन हरेक वर्ष आउँछ तर संविधान पूरा हुने दिन हामीले आफैँ ल्याउनुपर्छ, हरेक इमानदार निर्णयबाट, हरेक पारदर्शी नियुक्तिबाट, नागरिकको घरदैलोमा पुग्ने हरेक सेवाबाट ।”