एमालेको पुनर्गठन प्रतिवेदन सचिवालयबाट पास

काठमाडौं– नेकपा एमालेभित्र निर्वाचन समीक्षा र पार्टी पुनर्गठनका विषयमा तयार पारिएको एकीकृत प्रतिवेदन अब केन्द्रीय कमिटीमा छलफलका लागि जाने भएको छ।

सोमबार च्यासलस्थित पार्टी कार्यालयमा बसेको सचिवालय बैठकले कार्यदलको प्रतिवेदनलाई औपचारिक रूपमा अघि बढाउँदै केन्द्रीय कमिटीमा पेस गर्ने निर्णय गरेको उपमहासचिव लेखराज भट्टले जानकारी दिए। कार्यदलले करिब चार महिनाको छलफलपछि प्रतिवेदनलाई सर्वसम्मत रूपमा अन्तिम रूप दिएको थियो।