बाढी प्रभावित क्षेत्रमा नेपाल टेलिकमको राहत तथा सञ्चार सुविधा थप

काठमाडौं । नेपाल टेलिकमले भोटेकोशी बाढी प्रभावित जिल्लाका नागरिकलाई लक्षित गर्दै विभिन्न राहत तथा सञ्चार सुविधा थप गरेको छ। कम्पनीले क्षतिग्रस्त एनटी फाइबर केबल र राउटर निःशुल्क उपलब्ध गराउनेदेखि प्रभावित ग्राहकको फाइबर इन्टरनेटको म्याद थप, सिमकार्ड पुनः वितरण तथा विभिन्न निकायलाई निःशुल्क इन्टरनेट र प्राविधिक सहयोग उपलब्ध गराउने व्यवस्था गरेको हो।

गत भदौ १० गते रसुवाको भोटेकोशी नदीमा आएको बाढीबाट प्रभावित रसुवा, धादिङ, गोरखा, चितवन, नुवाकोट र तनहुँका नागरिक तथा पृथ्वी राजमार्गअन्तर्गत गल्छी–नुवाकोट–रसुवा–स्याफ्रुबेँसी र मुग्लिन–नारायणगढ सडक आसपासका बाढी प्रभावित नागरिकलाई लक्षित गरी उक्त सुविधा उपलब्ध गराइएको टेलिकमले जनाएको छ।