कृष्णभिरको पहिरो रोक्न सुरुङ वा भायाडक्ट बनाउने तयारी

काठमाडौं – पृथ्वी राजमार्गअन्तर्गत धादिङको कृष्णभिरमा वर्षेनि दोहोरिने पहिरो र सडक अवरोधको दीर्घकालीन समाधान खोज्न सरकारले सुरुङ वा भायाडक्ट निर्माणको विकल्पमा प्राविधिक अध्ययन अघि बढाएको छ ।

सडक विभागका महानिर्देशक डा. विजय जैशीले सोमबार पूर्वाधार विकास समितिको बैठकमा कृष्णभिरको समस्या समाधानका लागि दुई विकल्पमा अध्ययन भइरहेको जानकारी दिएका हुन् ।