सामाजिक सञ्जाल र मिडियाबाट सबैभन्दा बढी प्रहार एमाले र मलाई छ : ओली

काठमाडौं : नेकपा एमालेका अध्यक्ष केपी शर्मा ओलीले अहिले सबैतिरबाट एमालेमाथि प्रहार भइरहेको बताएका छन्। आजबाट जारी केन्द्रीय कमिटी बैठकलाई सम्बोधन गर्दै उनले एमाले राष्ट्रियतामा स्पष्ट अडान राखेकाले सरकारमा हुने तत्त्वबाहेक सबैभन्दा क्षति एमालेमाथि भएको बताएका हुन्।

उनले एमालेमाथि झुटा लान्छना र आरोप लगाएर हिँड्नेक्रम बढिरहेको बताए। उनले भने, ‘अरुमाथि भन्दा हामीमाथि प्रहार बढी छ। स्वभाविक रुपमा अध्यक्ष र नेताको हैसियतले सबैभन्दा बढी प्रहार ममाथि केन्द्रित गरिएको छ। चाहे सामाजिक सञ्जाल होस् वा मिडियाबाट। सरकार बन्ने बित्तिकै पहिलो काम एमाले अध्यक्षलाई गिरफ्तार गरिन्छ। बिना आरोप, बिना पुष्टि, प्रतिशोधपूर्ण ढंगले।’