प्राविधिक समस्याले शेयर बजार रोकिएपछि नेप्सेमाथि गम्भीर प्रश्न

काठमाडौं – लाखौँ लगानीकर्ताको कारोबारसँग प्रत्यक्ष जोडिएको नेपालको शेयर बजार सोमबार प्राविधिक समस्याका कारण बन्द भएपछि नेपाल स्टक एक्सचेन्ज (नेप्से) को प्रविधि व्यवस्थापन र वैकल्पिक प्रणालीमाथि प्रश्न उठेको छ ।

नेप्सेका कारोबार सदस्य कम्पनीका सर्भर राखिएको डाटा हब प्रालिको डाटा केन्द्रमा असोज ४ गतेदेखि समस्या देखिएपछि सोमबारको नियमित कारोबार स्थगित गरिएको हो । नेप्सेले यथास्थितिमा कारोबार सञ्चालन गर्दा कारोबार प्रणालीमा समेत क्षति पुग्न सक्ने जोखिम देखिएको जनाएको छ ।