देउवाले आधिकारिकता गुमाउँदा एमालेको चिन्ता, लोकतान्त्रिक मूल्य-मान्यतामाथि प्रहार भएको ओलीको निष्कर्ष

नेकपा एमालेले नेपाली कांग्रेसभित्रको आन्तरिक विवाद र त्यसले निम्त्याएको वैधानिकताको संकटप्रति गम्भीर चासो व्यक्त गरेको छ। शनिबार बसेको एमाले सचिवालय बैठकमा अध्यक्ष केपी शर्मा ओलीले सम्बोधन गर्दै निर्वाचन आयोगको पछिल्लो निर्णयले लोकतान्त्रिक प्रणालीमै गम्भीर प्रश्न उठाएको बताएका हुन्।

निर्वाचन आयोगले शुक्रबार नेपाली कांग्रेसका सभापति शेरबहादुर देउवाको आधिकारिकता खोसेर विशेष महाधिवेशनबाट निर्वाचित गगन थापा नेतृत्वको कमिटीलाई वैधता दिने निर्णय गरेको थियो ।