विद्युत् महसुलमा लगाइएको भ्याट हटाउने सरकारको तयारी

काठमाडौं – सरकारले चालु आर्थिक वर्षदेखि विद्युत् महसुलमा लगाएको मूल्य अभिवृद्धि कर हटाउने तयारी थालेको छ । कार्यान्वयनमा आएको दुई महिना नपुग्दै विद्युत्मा लगाइएको कर हटाउने विषयमा सरकारभित्र छलफल अघि बढेको हो ।

ऊर्जा, जलस्रोत तथा सिँचाइमन्त्री विराजभक्त श्रेष्ठ र अर्थमन्त्री डा. स्वर्णिम वाग्लेबीच भएको छलफलमा विद्युत्मा लगाइएको मूल्य अभिवृद्धि कर हटाउने विषयमा सैद्धान्तिक सहमति बनेको ऊर्जा मन्त्रालय स्रोतको दाबी छ ।