दक्षिण अफ्रिकाविरुद्ध भारत ७ विकेटले विजयी, सिरिजमा फेरि अग्रता

काठमाडौँ । भारतमा जारी भारत-दक्षिण अफ्रिका टी-ट्वान्टी अन्तर्राष्ट्रिय सिरिजमा घरेलु टोली भारतले दक्षिण अफ्रिकालाई ७ विकेटले पराजित गर्दै सिरिजमा पुनः अग्रता बनाएको छ ।

आइतबार धर्मशालामा सम्पन्न सिरिजको तेस्रो खेलमा शानदार जित हात पार्दै भारत सिरिजमा एक खेलले अघि बढेको हो । भारतले २-१ ले सिरिजमा अग्रता कायम गरेकाे छ । टस जितेर पहिले ब्याटिङ गरेको दक्षिण अफ्रिकालाई भारतीय बलरहरूले सुरुदेखि नै कडा दबाबमा राख्दै मात्र ११७ रनमै अलआउट गराए ।