मिटर ब्याज कारोबारलाई गैरकानुनी घोषणा गर्न माग

काठमाडौं । अखिल नेपाल किसान महासंघ (क्रान्तिकारी केन्द्र) ले तत्काल मिटर ब्याज पीडितको समस्या समाधान गर्न सरकारसँग माग गरेको छ । महासंघले मंगलबार प्रेस विज्ञप्ति जारी गर्दै मिटर ब्याजको कारोबारलाई गैरकानुनी घोषणा गर्न माग गरेको हो ।

मिटर ब्याजको कारोबार गर्ने गरिब तथा किसानमारालाई कडाभन्दा कडा कारबाही गर्नसमेत माग गरिएको छ । महासंघका अध्यक्ष चित्रबहादुर श्रेष्ठले सावाँ रकमबराबर ऋण भुक्तान गरेका सबै ऋणीको ऋण पूर्णरूपमा मिनाह गर्न माग गरे । उनीहरूको ऋणको लिखत कागजलाई अवैधानिक घोषणा गरी बदर गर्नसमेत महासंघले आग्रह गरेको छ ।