कर्णालीका मुख्यमन्त्रीको सचिवालयमा ५ जना नियुक्त, तीमध्ये ४ जना गृह जिल्ला मुगुका

सुर्खेत । कर्णालीका मुख्यमन्त्री मंगलबहादुर शाहीले आफ्नो सचिवालय गठन गरेका छन् । साउन १२ गते नेकपा एमालेको समर्थनमा मुख्यमन्त्री नियुक्त भएका शाहीले झन्डै दुई महिना पुग्न लाग्दा सचिवालय गठन गरेका हुन् ।

‘कर्णाली प्रदेश सरकारका मुख्यमन्त्री तथा मन्त्रीहरूको पारिश्रमिक तथा सुविधा सम्बन्धी ऐन’ अनुसार मुख्यमन्त्रीले ८ जना कर्मचारी राख्न पाउँछन् । जस अनुसार एक जना प्रमुख स्वकीय सचिव, दुई स्वकीय सचिव (एक तृतीय श्रेणी वा सो सरह, अर्को प्रथम श्रेणी वा सो सरह), एक जना सूचना/प्रविधि, दुई जना हलुका सवारी चालक र दुई जना कार्यालय सहयोगी राख्न पाउने व्यवस्था छ ।