आगलागीपछि फेरि खुल्यो टंगालको भाटभटेनी, गुरुङले भने– ‘ज्यानको बाजी राखेर उठाएँ’

काठमाडौं– जेनजी आन्दोलनका क्रममा गत वर्ष भदौ २४ गते आगलागीबाट ध्वस्त भएको काठमाडौंको टंगालस्थित भाटभटेनी सुपरमार्केट पुनः सञ्चालनमा आएको छ। नयाँ भवन र संरचनासहित भाटभटेनीको १०औँ शाखा सोमबारदेखि ग्राहकका लागि खुला गरिएको हो।

शाखाको पुनः उद्घाटन गर्दै भाटभटेनीका अध्यक्ष मीनबहादुर गुरुङले विगतको घटनालाई बिर्सेर नयाँ सुरुवात गरेको बताए। उनले हजारौँ कर्मचारी, लगानीकर्ता र आपूर्तिकर्ताप्रतिको जिम्मेवारी सम्झेर कठिन परिस्थितिमा पनि व्यवसायलाई पुनः उभ्याएको बताए।