ट्राफिकसँगको विवादपछि चालकले नै बसमा आगो लगाए

त्रिपुरेश्वरस्थित राहदानी विभाग अगाडि गुडिरहेकाे सार्वजनिक बसमा आगलागी भएको छ । सोमबार दिउँसो सवा १२ बजेतिर रिद्धिसिद्धि बसमा आगो लागेको हो ।

ट्राफिक प्रहरीसँगको विवादपछि बसका चालकले बसमै आगो लगाएका हुन्। उनी आगो लागेर घाइते भएका छन्। उनलाई उपचारका लागि कीर्तिपुरस्थित बर्न अस्पताल लगिएको र घटनाको अनुसन्धान भइरहेको जिल्ला प्रहरी परिसर, काठमाडौंका एसएसपी दिलीप घिमिरेले बताए। बस त्रिपुरेश्वरबाट कालीमाटीतर्फ जाँदै थियो। खाली रहेको बस बन्द गरी भित्र बसेर चालकले आगो लगाएका हुन्।