पद छोड्न ओलीमाथि बढ्यो दबाब, मार्गप्रशस्त गर्न इश्वर पोखरेलले लेखे पत्र

काठमाडौं– नेकपा एमालेका नेता ईश्वर पोखरेलले अध्यक्ष केपी शर्मा ओलीलाई पार्टी नेतृत्वबाट सम्मानजनक रूपमा विदाइ भएर नयाँ नेतृत्वका लागि मार्गप्रशस्त गर्न आग्रह गरेका छन्।

एमाले केन्द्रीय कमिटी बैठक सुरु भएकै दिन पोखरेलले अध्यक्ष ओलीलाई सम्बोधन गर्दै पत्र पठाएर पार्टीको पुनर्गठन, नेतृत्व हस्तान्तरण र रूपान्तरणको विषयमा आफ्नो धारणा सार्वजनिक गरेका हुन्।