एमालेको चुनावी हारबारे ओलीको निष्कर्ष : मत वैध, तर वातावरण असामान्य

काठमाडौँ । नेकपा (एमाले) का अध्यक्ष केपी शर्मा ओलीले गत फागुनमा सम्पन्न निर्वाचनको परिणामलाई पार्टीले स्वीकार गरे पनि मतदानपूर्वको राजनीतिक वातावरण भने असामान्य, एकपक्षीय र तनावपूर्ण रहेको निष्कर्ष निकालेका छन्।

सोमबार केन्द्रीय कमिटी बैठकमा पेस गरिएको प्रतिवेदनको बुँदा नम्बर ५ र ६ मा चुनावको विस्तृत समीक्षा गर्दै उनले पार्टीको पराजय बाह्य घेराबन्दी र आन्तरिक कमजोरी दुवैको संयुक्त परिणाम भएको उल्लेख गरेका छन्।