रसुवामा जोखिमयुक्त बस्ती हटाएर सुविधासम्पन्न ‘टाउनसिप’ बनाइने

काठमाडौँ । सरकारले बाढीबाट प्रभावित रसुवाका बस्तीलाई पुरानै स्थानमा पुनर्स्थापना गर्नुको सट्टा सुरक्षित स्थानमा एकीकृत ‘टाउनसिप’ विकास गर्ने योजना अघि सारेको छ।

पूर्वाधार विकासमन्त्री सुनिल लम्सालले सोमबार पूर्वाधार विकास समितिको बैठकमा जोखिमयुक्त स्थानमा रहेका बस्तीलाई नजिकैको सुरक्षित क्षेत्रमा स्थानान्तरण गरी अस्पताल, विद्यालय, उद्योगलगायतका पूर्वाधारसहित व्यवस्थित नयाँ बस्ती निर्माण गर्ने योजना रहेको बताए।