भन्सारको सहमति नलिई रानी नाकामा प्रवेशद्वार शिलान्यास गरेको खुलासा

विराटनगर । नेपाल–भारत सीमा नाका विराटनगरको रानीमा गत चैत ७ गते कोशी प्रदेशका मुख्यमन्त्री हिक्मतकुमार कार्कीले शिलान्यास गरेको प्रवेशद्वार निर्माणको काम फेरि रोकिएको छ ।

भन्सार कार्यालय विराटनगरले शहरी विकास तथा भवन कार्यालय कोशी प्रदेश, विराटनगर मोरङलाई पत्राचार गर्दै नेपाल–भारत सीमास्थित भन्सार क्षेत्रभित्र निर्माण गर्न सान्दर्भिक नरहेकाले भन्सार क्षेत्रभन्दा बाहिर निर्माण गर्न उपयुक्त हुने व्यहोरा उल्लेख गरेको छ ।