विद्यालय भवन निर्माणमा अनियमितता, इन्जिनियरसहित तीनजनाविरुद्ध मुद्दा

काठमाडौं : अख्तियार दुरूपयोग अनुसन्धान आयोगले सघन शहरी तथा भवन निर्माण योजना शाखा धनकुटाका तत्कालीन इन्जिनियर सुनम राईसहित तीनजनाविरुद्ध भ्रष्टाचार मुद्दा दायर गरेको छ।

आयोगले इन्जिनियर राईसहित लेखा अधिकृत इन्द्रबहादुर कार्की र सव इन्जिनियर रविन श्रेष्ठविरुद्ध सोमबार विशेष अदालत काठमाडौंमा आरोप पत्र दायर गरेको हो।उनीहरूविरुद्ध १ लाख ३५ हजार विगो कायम गरी कैद र सजायको माग गरिएको आरोप पत्रमा उल्लेख छ।