नेपाल–भुटान–भारतको ‘टनेल २६’ असोज २३ देखि हलमा

काठमाडौं- नेपाल, भुटान र भारतको सहकार्यमा निर्माण भएको हरर फिल्म ‘टनेल २६ : द कर्स बिनिथ द माउन्टेन’ आगामी असोज २३ गतेदेखि नेपाली हलमा प्रदर्शनमा आउने भएको छ। डर, रहस्य र रोमाञ्चलाई केन्द्रमा राखिएको फिल्मले एउटा रहस्यमय सुरुङभित्र लुकेको श्रापको कथा प्रस्तुत गर्ने निर्माण पक्षले जनाएको छ।

फिल्मको प्रदर्शन मिति घोषणा गर्दै निर्माण टिमले नयाँ पोस्टरसमेत सार्वजनिक गरेको छ। पोस्टरमा अँध्यारो सुरुङ, त्यसमा देखिएका पात्रहरू र रहस्यमय वातावरणलाई प्राथमिकता दिइएको छ। पोस्टरले नै फिल्मको कथा पहाडमुनि रहेको सुरुङ र त्यहाँ लुकेको रहस्य वरिपरि घुम्ने संकेत गर्छ।