काष्ठमण्डपको दलिन हल्लियो, स्थानीय डराए (भिडीओसहित)

काठमाडौं । काठमाडौंको नाम राख्ने काष्ठमण्डप पुनर्निर्माणपछि डरको स्रोत बनेको छ । पुनर्निर्माण सम्पन्नपछि उद्घाटन गरिएको साढे १० महिना बित्न नपाउँदै यसका दलिन हल्लिन थालेका छन् । काठैकाठले अडिएको काष्ठमण्डप झ्याप्प बस्ने हो कि भन्ने त्रास स्थानीयमा बढेको छ ।

यही माघ १ गते केही मन्दिरमा झण्डा राखेको दिन स्थानीय नागरिक काष्ठमण्डपको दोस्रो तलामा पुगेका थिए । उक्त तलाको तीनवटा दलिन हल्लिएपछि स्थानीयले काष्ठमण्डप जुनसुकै बेला ढल्न सक्ने खतरा भएको भन्दै आपत्ति जनाएका छन् ।