सञ्चारमन्त्री डा. तिमिल्सिना र उत्तरगया गाउँपालिका अध्यक्षबिच छलफल

सूचना तथा सञ्चारमन्त्री डा. विक्रम तिमिल्सिनाले रसुवाको उत्तरगया गाउँपालिकाका अध्यक्ष माधवप्रसाद अर्यालसँग भोटेकोशी बाढी प्रभावित क्षेत्रमा भइरहेको राहत, उद्धार, सुरक्षा व्यवस्था र पुनःस्थापनाका विषयमा छलफल गर्नुभएको छ।

सूचना तथा सञ्चार मन्त्रालयमा सोमबार भएको भेटमा सञ्चारमन्त्री डा. तिमिल्सिनाले बाढी प्रभावित बस्तीलाई कहाँ र कसरी पुनःस्थापना गर्ने भन्ने विषय सरकारको उच्च प्राथमिकतामा रहेको उल्लेख गर्नुहुँदै एकीकृत बस्ती बसाल्न स्थान पहिचानका लागि सम्बन्धित स्थानीय तहले नेतृत्वदायी भूमिका खेल्नुपर्ने बताउनुभयो ।