उमेदवार छनोटपछि योगेश भट्टराईले भने– निर्णय सुनेर विचलित नहुनू

काठमाडौं । नेकपा (एमाले)का उपमहासचिव योगेश भट्टराईले उमेदवार छनोटको निर्णय सुनेर विचलित नहुन अनुरोध गरेका छन् । शनिबार सामाजिक सञ्जालमा लेख्दै भट्टराईले उच्च मनोबल र एकताका साथ एमालेका उमेदवारहरूलाई विजयी बनाउन आफनो ठाउँ र हैसियतबाट सक्रिय रहन आह्वान गरे ।

"नेकपा एमालेका प्रिय कमरेडहरू निर्णय सुनेर विचलित नहुन अनुरोध गर्दछु," उनले लेखेका छन्, "अझ उच्च मनोबल र एकताका साथ नेकपा एमालेका उमेदवारहरूलाई विजयी बनाउन आफ्नो ठाउँ र हैसियतबाट सक्रिय रहन आह्वान गर्दछु । हाम्रो यात्रा लामो र गौरवपूर्ण छ ।"