शेयर कारोबार बन्दबारे अध्ययन गर्न सेबोनको निरीक्षण टोली खटियो

काठमाडौं । आज शेयर कारोबार स्थगित भएपछि नेपाल धितोपत्र बोर्ड (सेबोन) ले निरीक्षण टोली खटाएको छ । ब्रोकर कम्पनीको सर्भर रहेको डाटा सेन्टरमा समस्या आउँदा कारोबार स्थगित गरिएको हो ।

सेबोनका प्रवक्ता निरञ्जय घिमिरेका अनुसार बोर्डबाट नेप्सेलाई धितोपत्र कारोबार रोक्नुपर्ने गरी उत्पन्न परिस्थितिबारे आवश्यक अध्ययन तथा जाँचबुझ गरी यस्ता घटनाहरू पुनः दोहोरिन नदिन गर्नुपर्ने सुधारहरूसहितको प्रतिवेदन असोज १२ गतेभित्र पेश गर्न निर्देशन दिइएको छ ।