साइकल यात्रामार्फत लमजुङको पर्यटन प्रवर्द्धन, हेटौँडाबाट ५० यात्री सहभागी

काठमाडौं– स्वास्थ्य, पर्यटन र पर्यावरण संरक्षणको सन्देशसहित सक्रिय हिमालय राइडर्स सोसाइटी, हेटौँडाको टोलीले आन्तरिक पर्यटन प्रवर्द्धन गर्ने उद्देश्यले लमजुङको घलेगाउँसम्म साइकल यात्रा गरेको छ ।

लमजुङ साइक्लिङ संघले आयोजना गरेको प्रथम ‘टुर दी लमजुङ’ कार्यक्रममा हिमालय राइडर्स सोसाइटीका तर्फबाट ५० जना साइकल यात्री सहभागी भएका हुन् । कार्यक्रममा देशका विभिन्न जिल्लाबाट गरी करिब ४७५ जना साइकल यात्री सहभागी भएको सोसाइटीका अध्यक्ष राजु थापा मगरले जानकारी दिए ।