छड्के अनुगमनका क्रममा सडक डिभिजन कार्यालयका प्रमुखसहित २३ कर्मचारी अनुपस्थित भेटिए

जिल्ला प्रशासन कार्यालय मोरङले विराटनगरका चार सरकारी कार्यालयमा गरेको छड्के अनुगमनका क्रममा सडक डिभिजन कार्यालयका प्रमुखसहित २३ कर्मचारी अनुपस्थित भेटिएका छन् ।

प्रशासन कार्यालयका प्रशासकीय अधिकृत कोवित ढकालको नेतृत्वमा सोमबार गरिएको अनुगमनमा सडक डिभिजन कार्यालयका प्रमुख नारायण निघुरेसहित २३ कर्मचारी कार्यालयमा उपस्थित नभएको पाइएको हो । अनुपस्थित हुनेमा इन्जिनियरसमेत रहेको जिल्ला प्रशासन कार्यालयले जनाएको छ ।