२० रोपनीमा ५० टनेल, तरकारीबाट वर्षमै १५ लाख आम्दानी

काठमाडौं– रोजगारीको खोजीमा गाउँका युवा बर्सेनि विदेशिन थालेपछि धेरै ग्रामीण बस्ती रित्तिँदै गएका छन् । तर म्याङलुङ नगरपालिका–४ डाँडाखर्ककी तुलसा खनाल बुढाथोकीले आफ्नै गाउँको माटोमा मेहनत र सीप लगाएर वार्षिक १५ लाख रुपैयाँसम्म आम्दानी गर्दै आएकी छन् ।

करिब २० रोपनी जमिनमा ५० वटा टनेल निर्माण गरेर उनले व्यावसायिक रूपमा सागसब्जी खेती गर्दै आएकी छन् । टमाटर, भन्टा, अकबरे खुर्सानी, काक्रो, बोडी तथा विभिन्न जातका सागसब्जी उत्पादन गर्दै आएकी तुलसाको दैनिकी बिहान ४ बजेदेखि खेतबाट सुरु हुन्छ ।