इमरान खानका तीन बहिनी पक्राउ

काठमाडौं। पाकिस्तानका पूर्वप्रधानमन्त्री इमरान खानका तीन बहिनी पक्राउ परेका छन्। पाकिस्तान तहरीक–ए–इन्साफले खानको रिहाइको माग गर्दै आएका अलीमा खान, डा उज्मा खान र नुरिन खानलाई पक्राउ गरी लाहोरस्थित कोट लखपत जेल पठाइएको जनाएको छ।

पीटीआईका प्रवक्ता जुल्फी बुखारीले पञ्जाब प्रहरीले अलीमा खानको घरमा छापा मारेर उनका अन्य दुई बहिनी, भान्जा–भान्जी तथा बालबालिकालाई समेत नियन्त्रणमा लिएको दाबी गरेका छन्। पार्टीका सूचना सचिव शेख वकास अक्रमका अनुसार बालबालिकालाई भने पछि रिहा गरिएको थियो।