सबै विद्यार्थीलाई सैन्य तालिम दिने विधेयक प्रतिनिधि सभाबाट पारित, युद्धको बेला सामेल गरिने

काठमाडौं । प्रतिनिधि सभाले ‘राष्ट्रिय सेवा दल (एनसीसी) सम्बन्धी व्यवस्था गर्न बनेको विधेयक, २०८३’ पारित गरेको छ । प्रधानमन्त्री बालेन्द्र शाहले अघि बढाएको उक्त विधेयक २०८३ असोज ५ गते प्रतिनिधि सभाको बैठकबाट पारित भएको हो ।

यो विधेयक २०८३ असार १६ गते प्रतिनिधि सभामा दर्ता गरिएको थियो । असार २५ गते सभामा प्रस्तुत भई समितिमा दफावार छलफलपश्चात समितिले गत असोज १ गते प्रतिवेदन पेस गरेको थियो । राष्ट्रिय सभाबाट समेत पारित भई प्रमाणीकरण भएपछि यस विधेयकले ५६ वर्ष पुरानो ‘राष्ट्रिय सेवा दल ऐन, २०२७’ लाई पूर्ण रूपमा प्रतिस्थापन गर्नेछ ।