त्रिपुरेश्वर बस आगलागीको छानबिन गर्न एसएसपीको नेतृत्वमा समिति

काठमाडौं– त्रिपुरेश्वरमा बसमा भएको आगलागी घटनाको छानबिन गर्न एसएसपीको नेतृत्वमा समिति गठन गरिएको छ ।

काठमाडौं उपत्यका प्रहरी कार्यालय रानीपोखरीले एसएसपी रमेश बस्नेतको नेतृत्वमा पाँच सदस्यीय छानबिन समिति गठन गरेको हो । समितिलाई घटनाको कारण र त्यसअघि भएको विवादबारे अध्ययन गरी पाँच दिनभित्र प्रतिवेदन बुझाउन समय दिइएको एआईजी सुशील सिंह राठौरले बताए ।