पर्साको रंगपुरमा निर्माण गरिएको डेढ वर्षपछि सञ्चालनमा आयो आधुनिक कृषि बजार

वीरगन्ज : पर्साको पटेर्वा सुगौली गाउँपालिका-२ रंगपुरमा चिस्यान केन्द्र (कोल्ड स्टोर) सहितको आधुनिक कृषि बजार निर्माण भएको डेढ वर्षपछि सञ्चालनमा आएको छ।

किसानका उत्पादन संकलन र बिक्री वितरण तथा भण्डारणका लागि रंगपुरमा १ करोड ३० लाख रुपैयाँको लागतमा चिस्यान केन्द्र सहितको आधुनिक कृषि बजारको भवन निर्माण गरी २०८१ फागुन ६ गते औपचारिक कार्यक्रम गरी उद्घाटन गरिएको थियो। तर निर्माण सम्पन्न भई उद्घाटन गरिएको उक्त कृषि बजार डेढवर्षदेखि सञ्चालनमा भने आउन सकेको थिएन।