क्रान्तिशिखा धितालको प्रश्न : बेपत्ताको सास र लासको टुङ्गो छैन, परिवारलाई राहत कहिले ?

काठमाडौँ । राष्ट्रिय स्वतन्त्र पार्टी (रास्वपा) की सचेतक क्रान्तिशिखा धितालले भोटेकोशी बाढीबाट प्रभावित परिवारलाई राहत तथा सामाजिक सुरक्षा उपलब्ध गराउने स्पष्ट कार्यविधि तत्काल बनाउन सरकारसँग माग गरेकी छिन् ।

सामाजिक सञ्जाल फेसबुकमार्फत धितालले बाढी गएको महिना दिन बित्न लाग्दा समेत ठूलो सङ्ख्यामा नागरिकको सास र लासको टुङ्गो लाग्न नसकेको उल्लेख गरेकी हुन् । उनका अनुसार आफन्तले आशा मार्नुपर्ने अवस्था आएपछि कतिपय परिवारले कुशको आकृति बनाएर अन्तिम संस्कारसमेत पूरा गरिसकेका छन् ।