राहदानी छपाइको ठेक्का कानुनसम्मत भन्दै सर्वोच्चबाट सदर, अख्तियारको बिगो दाबीमाथि प्रश्न

काठमाडौं । सर्वोच्च अदालतले राहदानी विभागले जर्मन कम्पनी ‘भेरिडोस’लाई दिएको पासपोर्ट (राहदानी) छपाइको ठेक्का कानुनसम्मत भएको ठहर गरेको छ।

न्यायाधीशद्वय कुमार रेग्मी र श्रीकान्त पौडेलको संयुक्त इजलासले राहदानी विभागको निर्णय र त्यसलाई सदर गर्ने सार्वजनिक खरिद पुनरावलोकन समितिको कदमलाई कानुनसम्मत ठहर गरेको हो। भेरिडोसलाई ठेक्का दिने प्रक्रियाविरुद्ध प्रतिस्पर्धामा रहेको फ्रान्सेली कम्पनी ‘आइडिमिया’ले सर्वोच्चमा तीनवटा रिट दायर गरेको थियो।