इस्माका अग्नी पीडित भन्छन्–‘स्थायी आवास बनाइदिए सहज हुन्थ्यो’

गुल्मी । गुल्मीको इस्मा गाउँपालिकामा यही वैशाख ८ र ९ गते आगलागी हुँदा वडा नम्बर २ सिन्दुखा र वडा नम्बर ४ को हुल र कोटकोटेरीको सिंगो गाउँ सखाप भयो । आफ्नो घर–गोठ जलेपछि पीडितहरु छिमेकीकोमा रात कटाएपनि उनीहरुले स्थायी आवासको व्यवस्था मिलाइदिन सरकारसँग माग गरेका छन् ।

इस्मा गाउँपालिका –४ दोहोली कोटकोटेरीका बिमला अधिकारीले छ बर्षअघि दुईतले घर बनाइन् । घर बनाउदा लागेको ऋण तिर्न श्रीमान परदेश गए । नयाँ घरमा छोराछोरीसहित बिमलाले जेनतेन गुजारा चलाइरहेकी थिइन् ।