तनहुँमा अनियन्त्रित हाइस घरमा ठोक्किँदा एक महिला गम्भीर घाइते

पृथ्वीराजमार्गअन्तर्गत तनहुँको व्यास नगरपालिका-१२ तल्लो छिर्कनेमा सोमबार दिउँसो विद्युतीय (ईभी) हाइस अनियन्त्रित भई घरमा ठोक्किँदा एक महिला यात्रु गम्भीर घाइते भएकी छन्।

काठमाडौंबाट पोखरातर्फ जाँदै गरेको बा.प्र.०१-०३४ च ६१९४ नम्बरको ईभी हाइस सडक छेउमा रहेको स्थानीय तिल गिरीको दुई तले पक्की घरमा ठोक्किएर दुर्घटना भएको हो।