शुभमन र साईको कीर्तिमानी साझेदारी, चेन्नईलाई झट्का

अहमदाबाद । कप्तान शुभमन गिल र साई सुदर्शनले इन्डियन प्रिमियर लिग (आईपीएल) मा पहिलो विकेटका लागि सबैभन्दा ठुलो साझेदारीको कीर्तिमान बराबरी गर्दा गुजरात टाइटन्सले चेन्नई सुपर किंग्सलाई सजिलै हराउन सफल भएको छ । शुक्रबार राति भएको खेलमा गुजरात ३५ रनले विजयी बनेको हो ।

२ सय ३२ रनको लक्ष्य पछ्याउन मैदानमा उत्रेको चेन्नईले निर्धारित २० ओभरमा ८ विकेटको क्षतिमा १ सय ९६ रन मात्र बनाउन सक्यो । लक्ष्य पछ्याउने क्रममा चेन्नईले निकै खराब सुरुवात गरेको थियो । मात्र १० रनमा टोलीका शीर्ष तीन ब्याट्सम्यान पभेलियन फर्किसकेका थिए ।