पूर्वराजा ज्ञानेन्द्रद्वारा राजनीतिक दलहरूलाई सहकार्य गर्न आह्वान

काठमाडौं । नेपालको निरन्तर अधोगतिप्रति अब मौन रहन नसक्ने भन्दै पूर्वराजा ज्ञानेन्द्र शाहले राजनीतिक दलहरूलाई सहकार्य गर्न आह्वान गर्नुभएको छ ।

७३औं राष्ट्रिय प्रजातन्त्र दिवसको अवसरमा शुभकामना दिँदै पूर्व राजा ज्ञानेन्द्रले देश जोगाउन प्रजातन्त्रको लागि अपरिहार्य राजनीतिक दलहरू र लामो समय देशभक्तिपूर्ण ऐतिहासिक विरासत बोकेको राजसंस्थाले आपसी विश्वासका साथ सहकार्यका लागि विलम्ब गर्न नहुने बताउनुभएको हो ।