एक रुपैयाँको सिक्काबाट ‘चुच्चे नक्सा’ हटाउने निर्णयपछि भारतीय मिडियाले लेखे– झुका नेपाल

भारतीय मिडियाले नेपालले एक रुपैयाँको सिक्काबाट नेपालको नक्सा हटाउने निर्णयलाई नेपाल झुकेको भनी प्रचार गरेका छन् । भारतको चर्चित मिडियामध्ये एक आज तकले एक रुपैयाँको सिक्काबाट नक्सा हटाएर नेपाल झुकेको र अब लिम्पियाधुरा र लिपुलेक सीमा विवाद पनि सकिएको लेखेको छ ।

‘नेपाल पछि हट्यो... नयाँ एक रुपैयाँको सिक्काबाट विवादित नक्सा हटाइने, लिम्पियाधुरा, कालापानी र लिपुलेक विवाद समाधानतर्फ’, समाचारमा लेखिएको छ, ‘नेपाल नयाँ एक रुपैयाँको सिक्काबाट लिम्पियाधुरा, कालापानी र लिपुलेक समेटिएको विवादित नक्सा हटाउन तयार भएको बताइएको छ । नेपालले यी क्षेत्रहरूमा आफ्नो दाबी गर्दै आएको छ भने भारतले ती क्षेत्रहरूलाई आफ्नो अभिन्न अंग मान्दै आएको छ ।’