ललितपुरको नख्खुबाट ठूलो परिमाणमा लागुऔषधसहित एक पक्राउ

काठमाडौँ- ललितपुरको नख्खु क्षेत्रबाट प्रहरीले ठूलो परिमाणमा लागुऔषध ‘पोल्याड’सहित एक जनालाई पक्राउ गरेको छ। जिल्ला प्रहरी परिसर ललितपुरका अनुसार नख्खु फूलबारी मार्गबाट २८ वर्षीय एक युवकलाई नियन्त्रणमा लिइएको हो।

पक्राउ पर्नेमा मकवानपुर जिल्ला इन्द्रसरोवर गाउँपालिका ५ घर भई हाल ललितपुर महानगरपालिका २५ नख्खु बस्ने २८ वर्षीय तीर्थ बहादुर ठोकर रहेका छन्।