गल्छी-रसुवागढी सडक पुनर्निर्माणमा बेलायतले सघाउने

भोटेकोशी बाढीबाट क्षतिग्रस्त गल्छी-रसुवागढी सडक खण्डको पुनर्निर्माणका लागि बेलायत सरकारले बेलिब्रिजसहित आवश्यक प्राविधिक तथा आर्थिक सहयोग उपलब्ध गराउने भएको छ।

पूर्वाधार विकास मन्त्रालयमा सोमबार मन्त्री सुनील लम्साल र नेपालस्थित बेलायती दूतावासका वरिष्ठ विकास काउन्सिलर एलेक्स ल्यु नेतृत्वको प्रतिनिधिमण्डलबीच भएको भेटवार्तामा बेलायतले यस्तो प्रतिबद्धता जनाएको हो।