अध्यागमन विभागद्वारा एफएनएमआइएससम्बन्धी अन्तरक्रिया

काठमाडौँ । अध्यागमन विभागले नेपालस्थित विभिन्न दूतावास र नियोगका कन्सुलरसँग विदेशी नागरिक व्यवस्थापन सूचना प्रणाली (एफएनएमआइएस) का सम्बन्धमा अन्तरक्रिया गरेको छ । शुक्रबार काठमाडौँमा कन्सुलर विभागको समन्वयमा अन्तरक्रिया कार्यक्रम भएको हो ।

नेपालको अध्यागमन विभागले विदेशी नागरिकको अनुगमनका सम्बन्धमा विकास गरेको प्रणालीमा एकरूपता कायम गराउने उद्देश्यले आयोजना गरिएको कार्यक्रममा नेपालस्थित विभिन्न नियोगका प्रतिनिधि तथा सरोकार भएका निकायका प्रतिनिधिको सहभागिता थियो ।