रास्वपाले अघि बढायो ‘राइट टु रिकल’को तयारी

राष्ट्रिय स्वतन्त्र पार्टी (रास्वपा)ले निर्वाचित जनप्रतिनिधिलाई मतदाताप्रति थप जवाफदेही र उत्तरदायी बनाउने उद्देश्यसहित ‘राइट टु रिकल’ सम्बन्धी दस्तावेज निर्माणको प्रक्रिया अघि बढाएको छ ।

यसका लागि गठित ‘राइट टु रिकल’ दस्तावेज निर्माण समितिको पहिलो बैठक सोमबार पार्टी केन्द्रीय कार्यालयमा बसेको छ । समितिका संयोजक तथा पार्टी महामन्त्री विपिनकुमार आचार्यको अध्यक्षतामा बसेको बैठकले ‘राइट टु रिकल’सम्बन्धी बहसलाई थप विस्तार गर्दै त्यससम्बन्धी दस्तावेज तयार गर्ने निर्णय गरेको हो ।