रास्पवा भक्तपुरमा बस्नेत निर्वाचित

भक्तपुर । राष्ट्रिय स्वतन्त्र पार्टी (रास्वपा) भक्तपुरको प्रथम जिल्ला अधिवेशनले रामेश्वर बस्नेतको सभापतित्वमा नयाँ कार्यसमिति निर्वाचित गरेको छ ।

शनिबार सम्पन्न अधिवेशनले जिल्ला सभापतिमा बस्नेत र उपसभापतिमा स्मृति भट्टराईलाई निर्विरोध निर्वाचित गरेको निवर्तमान जिल्ला सचिव एवं क्षेत्र नं १ का सांसद रुकेश रञ्जितले जानकारी दिए । यस्तै पार्टीको सचिवमा सञ्जीव प्रजापति र सहसचिवमा रामकृष्ण देउजा निर्वाचित भएका छन् ।