गण्डकीमा निवर्तमान स्वास्थ्यमन्त्री पाण्डे र स्वास्थ्य सचिवको ‘घूसकाण्ड’ बाहिरियो, छानबिन समिति गठन

पोखरा- बेड संख्या बढाएर अस्पतालको स्तरोन्नति गर्ने विषयमा घूसको बार्गेनिङ आरोपमा गण्डकी प्रदेशका निवर्तमान स्वास्थ्यमन्त्री लक्ष्मणबहादुर पाण्डे र स्वास्थ्य सचिव डा. युवानिधि बसौला मुछिएका छन्।

सञ्चारकर्मी अपिल त्रिपाठीले ‘गण्डकी छड्के’ युट्युब च्यानलमार्फत केही दिनअघि उक्त काण्ड सार्वजनिक गरेका थिए। घटना छानबिनका लागि गण्डकी प्रदेश सरकारले छानबिन समिति गठन गर्दै तत्कालका लागि स्वास्थ्य सचिवलाई जिम्मेवारीबाट हटाउने निर्णय गरेको छ।