श्रम स्वीकृति नवीकरण नभएपछि विमानस्थलमै रोकिए, २३ हजार तिरेर कुवेत उडे

५ असोज, काठमाडौं । कुवेतमा वैदेशिक रोजगारीमा रहेका एक नेपाली युवा बिदा सकेर फर्किन आज बिहान त्रिभुवन अन्तर्राष्ट्रिय विमानस्थल पुगे । बोर्डिङ पाससमेत लिइसकेका उनलाई श्रम स्वीकृति नवीकरण नभएको भन्दै अध्यागमन अधिकारीले रोके ।

श्रम स्वीकृति नवीकरण गर्नुपर्ने जानकारी नभएका ती युवा विमानस्थल पुगेपछि समस्या परे । त्यतिबेला उनको उडान छुट्न करिब एक घण्टा मात्रै बाँकी थियो । तत्काल श्रम स्वीकृति नवीकरणका लागि वैदेशिक रोजगार विभागको प्रणाली समेत नचलेपछि उनी थप समस्यामा परे ।