राजपत्रमा प्रकाशित भएसँगै सेयर कारोबारमा पूँजीगत लाभकर घट्यो

सरकारले सेयर कारोबारबाट प्राकृतिक व्यक्तिले प्राप्त गर्ने लाभमा लाग्ने अग्रिम करको दर घटाएर ३६५ दिनभन्दा बढी अवधि सेयर होल्ड गरी बिक्री गर्दा ३.५ प्रतिशत र ३६५ दिन वा सोभन्दा कम अवधि होल्ड गरी बिक्री गर्दा ५ प्रतिशत कायम गरेको हो ।

यसअघि ३६५ दिनभन्दा बढी अवधि सेयर होल्ड गर्ने लगानीकर्ताले नाफामा ७.५ प्रतिशत र ३६५ दिन वा सोभन्दा कम अवधिमा बिक्री गर्ने लगानीकर्ताले १० प्रतिशत पूँजीगत लाभकर तिर्दै आएका थिए । नयाँ व्यवस्थाले दुवै अवधिको करको दर घटाएको छ ।