तिब्बती गतिविधि हुनसक्ने भन्दै लुम्बिनीको कार्यक्रममा बढाइयो सुरक्षा चासो

५ असोज, काठमाडौं । लुम्बिनीमा सोमबारदेखि १७औं विश्व शान्ति मञ्च कार्यक्रम सुरु भएको छ । काठमाडौंको धुम्बाराहीस्थित लुम्बिनी विश्व शान्ति मञ्च र लक्जम्बर्गमा रहेको सेन्जेन पिस फाउन्डेसनको संयुक्त आयोजनामा सुरु कार्यक्रम बुधबारसम्म चल्नेछ ।

यस पटकको कार्यक्रम ‘२१औं शताब्दीमा शान्तिको पुनर्कल्पना’ विषयवस्तुमा केन्द्रित रहेको संस्थापक तथा आयोजक लुम्बिनी विश्व शान्ति मञ्चका अध्यक्ष वासुदेव गौतमले बताए । कार्यक्रममा जलवायु न्याय, दिगो विकास, पर्यटन लगायतका विषयमा छलफल हुने उनी बताउँछन् ।