अरूको ध्यान अधिवेशनतिर, पूर्णबहादुरको अदालततिर

५ असोज, काठमाडौं । कांग्रेसको ठूलो पंक्ति पन्ध्रौं महाधिवेशनतर्फ लक्षित हुँदैगर्दा यसका एक वरिष्ठ नेता पूर्णबहादुर खड्का करिब निष्क्रिय देखिन्छन् । सभापति गगन थापालाई खुलेर साथ दिन नसकेका उनी उसो त पूर्वसभापति शेरबहादुर देउवा समूहले तयारी गरिरहेको अधिवेशनका पक्षमा पनि कतै खुलेका छैनन् ।

देशभरिका कांग्रेस नेता–कार्यकर्ताहरूको नजर १५औं महाधिवेशनमा केन्द्रित भइरहेका बेला नेता खड्का भने सर्वोच्च अदालतको फैसला कुरिरहेका छन् । सर्वोच्चले पुनरावलोकनका क्रममा पनि पार्टीको आधिकारिकता विशेष महाधिवेशन पक्षधरलाई दिए सानेपा फर्किन तयार देखिन्छन् खड्का ।